პერუს პრეზიდენტმა, მარტინ ვისკარმა, ქვეყანაში კოროანვირუსის გავრცლელების ფონზე, ჯანდაცვის მინისტრი ელიზაბეტ ინოსტროსი თანამდებობიდან გაათავისუფლა. ამის შესახებ, პრეზიდენტმა პრესკონფერენციაზე განაცხადა.
ვისკარმა აღნიშნა, რომ ეს გადაწყვეტილება პრემიერ-მინისტრთან განხილვის შემდეგ მიიღო.
”მიზანშეწონილად მიგვაჩნია, ჯანდაცვის მინისტრის ჩანაცვლება სპეციალისტით, რომელიც უფრო მეტ გამოცდილებას ფლობს იმ ტიპის პრობლემებთან დაკავშირებით, რომელთა წინაშეც დღეს ქვეყნის საზოგადოებრივი ჯანდაცვა დგას”, - განაცხადა სახელმწიფოს მეთაურმა.
ამ დროისათთვის უცნობია, თუ ვინ დაიკავებს პერუს ჯანდაცვის მინისტრის თანამდებობას.
ჯანდაცვის მსოფლიო ორგანიზაციის ბოლო მონაცემებით, პერუში ახალი ტიპის კორონავირუსით ინფიცირებულთა რაოდენობა 263-ს აღწევს. ინფექციას ქვეყანაში 4 ადამიანი ემსხვერპლა.
