პერუს სამხრეთ ნაწილში ავტოსაგზაო შემთხვევას სულ მცირე 16 ადამიანი ემსხვერპლა, მათ შორის 2 გერმანელია. ამის შესახებ ადგილობრივ პოლიციაზე დაყრდნობით სააგენტო "Reuters" წერს.
შემთხვევის შედეგად 42 ადამიანი დაშავდა, მათ შორის ბრაზილიის 2 და აშშ-ის 2 მოქალაქე. გავრცელებული ინფორმაციით, ავტობუსი ჯერ რამდენიმე ავტომობილს შეეჯახა, შემდეგ კი ამოტრიალდა.
დაშავებულები უახლოეს საავადმყოფოებში გადაიყვანეს. ავტობუსი ლიმადან არეკიპაში მიემგზავრებოდა.
