კუბიზმის ფუძემდებლის, პაბლო პიკასოს ნამუშევრები, აშშ-ში გამართულ აუქციონზე 108,9 მილიონ დოლარად გაიყიდა.
ლას-ვეგასში, სასტუმრო-სამორინე Bellagio-ში გამართულ აუქციონზე წარდგენილი იყო მხატვრის 11 ნამუშევარი.
საბოლოო თანხამ, სოთბის აუქციონის მოლოდინს გადააჭარბა. წარდგენილი ნახატებიდან ყველაზე ძვირი ლოტი "ქალი წითელ-ნარინჯისფერი ბერეტით" აღმოჩნდა, რომელიც 1938 წლით არის დათარიღებული და აუქციონზე 40,479 მილიონ დოლარად გაიყიდა.
აუქციონზე ასევე გაიყიდა ნამუშევრები: "სადილი ბალახზე", "მამაკაცის ბიუსტი", "კაცი და ბავშვი", "ნატურმორტი ხილის კალათით და ყვავილებით" და სხვა საკოლექციო ნიმუშები, რომლებიც MGM Resorts-ის მფლობელობაში იყო.
ანტონ თათვიძე
ავტორი