იაპონიის დასავლეთ ნაწილში მდებარე ზოოპარკში გიგანტურ პანდა რაუჰინს შვილი შეეძინა. ინფორმაციას ამის შესახებ ადგილობრივი მედია ავრცელებს.
"ეს პირველი შემთხვევაა ორი წლის მანძილზე, როდესაც პანდას შვილი შეეძინა", - განაცხადეს ზოოპარკში.
პატარა პანდის სიგრძე 20,5 სანტიმეტრია, წონა კი 157 გრამი. ზოოპარკის ადმინისტრაციაში განაცხადეს, რომ ახალშობილი ძალიან ენერგიულია, ბევრს წრიპინებს და დედას არ სცილდება.
ეს პანდა რაუჰანისთვის მე-10 შვილია. მამა კი პანდა ეიმეია, რომელიც ასევე ამ ზოოპარკში ბინადრობს.