მსოფლიოს უხუცესი ადამიანი, სამხრეთ აფრიკელი ფრედი ბლომი 116 წლის ასაკში გარდაიცვალა. ამის შესახებ BBC იუწყება.
გამოცემის ცნობით, ფრედი აღმოსავლეთ კაპლანდის პროვინციაში 1904 წლის მაისის თვეში დაიბადა. მისი ოჯახი 1918 წელს ესპანური გრიპით დაიღუპა.
2018 წელს BBC-სთვის მიცემულ ინტერვიუში, ჟურნალისტის კითხვაზე, თუ რა არის მისი ხანგრძლივი სიცოცხლის საიდუმლო, მან უპასუხა: მხოლოდ ერთი რამ - ღმერთი. მას აქვს მთელი ძალაუფლება. მე შეიძლება ნებისმიერ მომენტში დავეცე, მაგრამ ის დამიჭერს.
