პარტია „კანონი და სამართლიანობა“, რომელმაც პოლონეთის საპარლამენტო არჩევნები მოიგო, მინისტრთა კაბინეტის ხელმძღვანელად კვლავ მოქმედი პრემიერ-მინისტრის, მატეუშ მორავეცკის წარდგენას გეგმავს. ინფორმაცია ამის შესახებ პოლონეთის სენატის ზედა პარლამენტის სპიკერმა, სტანისლავ კარჩევსკიმ დაადასტურა.
„პრემიერის პოსტზე ჩვენი კანდიდატი მატეუშ მორავეცკია“, - განაცხადა მან.
პარტიამ „კანონი და სამართლიანობა“ სეიმის ქვედა პალატაში ხმების 43.59 პროცენტი მიიღო, მისმა მთავარმა მეტოქემ, „სამოქალაქო პლატფორმამ“ კი 27.4 პროცენტი.
აღნიშნული შედეგების მიხედვით, პარტია 460-ადგილიან ქვედა პალატაში 235 მანდატს მიიღებს. „სამოქალაქო პლატფორმას“ 134 მანდატი ექნება.
არჩევნების შედეგების მიხედვით, „კანონი და სამართლიანობამ“ უმრავლესობა დაკარგა პოლონეთის პარლამენტის 100-ადგილიან სენატში და 48 ადგილს მიიღებს, მისი მთავარი კონკურენტი კი 43 ადგილს.
არჩევნებზე ამომრჩეველთა აქტივობა 61.74 პროცენტი იყო.
ელენა ტრეხლებოვა
ავტორი