არალეგალური იმიგრანტების დიდი რაოდენობის გამო, რომლებიც ბელარუსიდან პოლონეთის საზღვარს კვეთენ, ვარშავამ ლტოლვილების მისაღებად ახალი დაცული ბანაკები შექმნა. ინფორმაციას პოლონეთის სასაზღვრო სამსახურის უფროსზე დაყრდნობით DW ავრცელებს.
ორი ასეთი დაწესებულება ქვეყნის აღმოსავლეთით უკვე გაიხსნა.
ამჟამად ხელისუფლება მიგრანტებისთვის კიდევ რამდენიმე ბანაკის შესაქმნელად სხვა ადგილებსაც ეძებს.
19 აგვისტოს პოლონეთის თავდაცვის მინისტრმა, მარიუშ ბლაშაკმა განაცხზადა, რომ ორი ქვეყნის საზღვარს ჯარის დახმარებით გააძლიერებენ.
აგვისტოს დასაწყისიდან პოლონეთისა და ბელარუსის საზღვრის უკანონოდ გადაკვეთა 2,100 ადამიანმა სცადა.
