ვარშავამ ჩეხეთის რესპუბლიკიდან პოლონეთის ელჩი, მიროსლავ იასინსკი გაიწვია. Report.ge-ს ცნობით, ინფორმაციას პოლონეთის მთავრობის პრესმდივანი პიოტრ მიულერი ავრცელებს.
მიროსლავ იასინსკის გაწვევა Deutsche Welle-სთან ინტერვიუსთან არის დაკავშირებული, სადაც დიპლომატმა ჩეხეთთან ტურუვის მაღაროზე დავის გამო პოლონეთის პოზიცია გააკრიტიკა.
"ჩვენ ვერ დავეთანხმებით ტურუვის შახტზე უკიდურესად უპასუხისმგებლო განცხადებებს. ყველა პოლონელი დიპლომატი უნდა ზრუნავდეს პოლონეთის ინტერესებზე", - განაცხადა მიულერმა.
პოლონეთის ელჩმა ჩეხეთში იასინსკიმ Deutsche Welle-სთვის მიცემულ ინტერვიუში განაცხადა, რომ პოლონეთ-ჩეხეთის საზღვარზე მდებარე ტურუვის ქვანახშირის მაღაროსთან დაკავშირებული დავის სწრაფად გადაწყვეტა ვერ მოხერხდა იმის გამო, რომ „უპირველეს ყოვლისა პოლონური მხარის“ მიერ დიალოგისთვის მზადყოფნა არ იყო.
