პოლონეთში აბორტის კანონის გამკაცრების მოწინააღმდეგეებმა საპროტესტო გამოსვლები 50 ქალაქში გამართეს. აქციები ქალაქ ზაკოპიეში დაიწყო და შემდეგ მთელ ქვეყანას მოედო. დემონსტრანტებმა გადაკეტეს ავტომაგისტრალები. ვარშავას ცენტრში რადენიმე საათი მოძრაობა პარალიზებული იყო.
ManifestujÄ cy docierajÄ na Dworzec Centralny. @OnetWiadomosci #ToJestWojna #StrajkKobiet pic.twitter.com/PHkxYgV5Ms
— Bartek Rumienczyk (@BRumienczyk) October 26, 2020
პოლონეთის საკონსტიტუციო სასამართლოს გადაწყვეტილებით, ორსულობის ხელოვნური გზით შეწყვეტა თითქმის სრულად აიკრძალა. აბორტის გაკეთება აკრძალულია იმ შემთხვევაშიც კი, თუ ნაყოფს თანდაყოლილი პრობლემები და სერიოზული დარღვევები აქვს.
გამონაკლისი დაშვებულია იმ ქალებისთვის, რომლებიც გაუპატიურების ან ინცესტის შედეგად დაფეხმძიმდნენ ან, თუ დედის ჯანმრთელობას საფრთხე ემუქრება.
პოლონეთში ეს აბორტის შეზღუდვის შესახებ კანონის გაუქმების მოთხოვნით ხალხის გამოსვლის პირველი შემთხვევა არაა. ქალებმა ქვეყანაში აბორტის უფლება უკვე არა ერთხელ მოითხოვეს.