პოლონეთში, ილოვო-ოსადის სამედიცინო ცენტრში COVID-19-ის საწინააღმდეგო პრეპარატის სამი ფლაკონი მოიპარეს, რომელითაც 15-18 ადამიანის ვაქცინაცია იყო შესაძლებელი. ინფორმაციას ამის შესახებ Polsat News.pl ავრცელებს.
”ოთხშაბათს დილით 7:36 საათზე მივიღეთ შეტყობინება ილოვო-ოსადის კერძო კლინიკაში შეღწევის შესახებ. ქურდობა კლინიკის თანამშრომელმა აღმოაჩინა. მინა გატეხილი იყო“, - განუცხადა გაზეთს ადგილობრივი პოლიციის წარმომადგენელმა.
ვაქცინაციის მსურველებს უკვე განუცხადეს, რომ ისინი აცრის გარეშე დარჩებიან.
ფაქტზე მიმდინარეობს გამოძიება.
ილოვო-ოსადში დაახლოებით 3 ათასი ადამიანი ცხოვრობს. აქ ვაქცინაციის მხოლოდ ერთი სადგურია.