იტალიის პოლიციის კულტურული მემკვიდრეობის დაცვის განყოფილების მიერ ჩატარებული გამოძიების შედეგად ნაპოვნი და ამოღებული იქნა ძველრომაული ისტორიული ნანგრევებიდან მოპარული კედლის ფრესკები. ინფორმაციას The Guardian ავრცელებს.
პოლიცია სამ ფრესკას ეძებდა, რომლებიც ჩვენი წელთაღრიცხვით I საუკუნით თარიღდება. ისინი 1970-იან წლებში პომპეის ისტორიული ძველი შენობების კედლებიდან იყო ამოჭრილი და შემდეგ უკანონოდ გატანილი ქვეყნიდან. ფრესკები შეძენილი ჰქონდათ ამერიკელ, შვეიცარიელ და ინგლისელ ანტიკვარებით მოვაჭრეებს 1990-იან წლებში.
პირველ ფრესკაზე გამოსახული იყო მოცეკვავე ქალი ლანგარით, მეორეზე - ანგელოზი, რომელიც ფლეიტაზე უკრავს, ხოლო მესამეზე - ქალის თავი.
სამივე ფრესკა პომპეიში დააბრუნეს.
მედეა ცხოვრებაძე
ავტორი