'რამდენიმე არაბული ქვეყანა ისრაელთან სამშვიდობო შეთანხმებების გასაფორმებლად ემზადება', - ამის შესახებ აშშ-ის სახელმწიფო მდივანმა მაიკ პომპეომ ტელეკომპანია Al-Arabiya-სთან ინტერვიუში განაცხადა.
პომპეომ ხაზგასმით აღნიშნა, რომ შეერთებული შტატები შუა აღმოსავლეთში მშვიდობის მისაღწევად მუშაობას კვლავ განაგრძობს. აშშ-ის სახელმწიფო მდივანის განცხადებით, რეგიონისათვის ერთ-ერთ საშიშროებას ირანი წარმოადგენს.
"ჩვენ ვქმნით ალიანსს იმისთვის, რომ თეირანმა არ მოახდინოს რეგიონის დესტაბილიზაცია", - განაცხადა პომპეომ.
ცნობისთვის, ისრაელმა სექტემბერში ბაჰრეინთან და არაბეთის გაერთიანებულ საემიროებთან ურთიერთობების ნორმალიზების შესახებ შეთანხმება გააფორმა. ხელმოწერის ცერემონია თეთრ სახლში გაიმართა.
