28 აპრილს ავსტრალიაში, ქვეყნის ყველაზე მძიმე მასობრივი მკვლელობის 25 წლისთავს იხსენებენ. ინფორმაციას ამის შესახებ Reuters ავრცელებს.
1996 წელს შეიარაღებულმა პირმა კუნძულ ტასმანიაზე 35 ადამიანი მოკლა. მასობრივი მკვლელობა ერთ-ერთ ადგილობრივ კაფეში დაიწყო, სადაც ტურისტები იმყოფებოდნენ. მარტინ ბრაიტმა სამხედრო ტიპის ავტომატური იარაღი გამოიყენა, რომელიც ისე შეიძინა, რომ მისი წარსული არავის გადაუმოწმებია.
შემთხვევიდან ორ კვირაში, მაშინდელმა პრემიერ-მინისტრმა, ჯონ ჰოვარდმა ხელი შეუწყო ცეცხლსასროლი იარაღის შესახებ კანონის გამკაცრებას, რომელიც ზღუდავს იარაღის ლიცენზირებას და საკუთრების კონტროლს.
შედეგად, ავსტრალიაში მსოფლიოში ერთ-ერთი ყველაზე მკაცრი რეგულაციები მიიღეს.
”ჩვენ ასიათასობით იარაღი ამოვიღეთ საზოგადოებიდან და შედეგად ის მივიღეთ, რომ მას შემდეგ არ ყოფილა მასობრივი სროლები და ქვეყანა ბევრად უფრო უსაფრთხო ადგილია”, - განაცხადა ჰოვარდმა.
ვახო რევაზიშვილი
ავტორი