პორტუგალიაში კორონავირუსით გამოწვეული გართულებებით ერთი ოჯახის სამი წევრი გარდაიცვალა, რომლებმაც ვაქცინაციაზე უარი განაცხადეს. ამის შესახებ გამოცემა The Guardian-ს მისმა ნათესავმა, ფრენსის გონსალვესმა განუცხადა.
ფრენსისის მამა 73 წლის იყო, დედა - 65 წლის, ძმა - 40 წლის.
მისი თქმით, სამივე - დედა, მამა და ძმა - კორონავირუსით დაინფიცირდა და სულ რაღაც ერთ კვირაში გარდაიცვალა. ოჯახის წევრები ვაქცინაციის წინააღმდეგები იყვნენ, რადგან ანტივაქსერების დეზინფორმაციამ ისინი ძალიან დააშინა.
გონსალვესმა ასევე აღნიშნა, რომ მშობლებს ჯანმრთელობის სერიოზული პრობლემები ჰქონდათ, მაგრამ ძმა "ყველაზე ჯანმრთელი ადამიანი იყო". მისი აზრით, ვაქცინაციას მისი სიცოცხლის გადარჩენა შეეძლო.
როგორც გონსალვესი განმარტავს, მან გადაწყვიტა, ეს ამბავი იმ იმედით გაეზიარებინა, რომ მის ოჯახთან დაკავშირებული სიტუაცია წაახალისებდა სხვებს, რომლებიც ვაქცინაციას სკეპტიკურად უყურებდნენ, აცრა გაეკეთებინათ.
