იტალიაში პოსტ-კოვიდ სიმპტომი უკვე ბავშვებშიც გამოვლინდა. იტალიელი მკვლევარების თქმით, კორონავირუსისგან გამოჯანმრთელებული პატარა პაციენტები უძილობას, კუნთებისა და სახსრების ტკივილს უჩივიან.
მცირეწლოვანი პაციენტები, რომლებიც პოსტ-კოვიდურ სიმპტომებს უჩიოდნენ, საბოლოოდ მათგან გამოჯანმრთელებიდან 162 დღის შემდეგ გათავისუფლდნენ.
არსებული სტატისტიკის მიხედვით, პოსტ-კოვიდ სიმპტომს გამოჯანმრთელებული პაციენტების დაახლოებით 20% განიცდის. საგულისხმოა, რომ ის ყველაზე ხშირად თავს იჩენს ბავშვებში, რომლებმაც კორონავირუსი მძიმე ფორმით გადაიტანეს, მაგრამ არის შემთხვევები, როდესაც მას ასიმპტომური ინფიცირებულებიც უჩივიან.
ზოგადი სტატისტიკის თანახმად, გამოჯანმრთელებიდან 6 თვის შემდეგაც კი, პოსტ-კოვიდ პაციენტების 63% დაღლილობასა და კუნთების სისუსტეს უჩივის. ძილთან დაკავშირებული სირთულეები გამოჯანმრთელებულთა 26%-ს აღენიშნება, ხოლო შფოთვას ან დეპრესიას კორონავირუსისგან განკურნებულთა 23% უჩივის.
