პრინცი ჰარი და მეგან მარკლი ქორწინების სამი წლის იუბილეს აღნიშნავენ. მათი თანაცხოვრების განმავლობაში ბევრი რამ შეიცვალა. სასექსის ჰერცოგმა და ჰერცოგინიამ სამეფო ოჯახის "უფროსი“ წარმომადგენლების სტატუსზე უარი განაცხადეს და ისინი საცხოვრებლად შეერთებულ შტატებში გადავიდნენ. ამის შესახებ ABC News წერს.
პრინც ჰარისა და ჰოლივუდის მსახიობის მეგან მარკლის სამეფო ქორწილი 2018 წლის 19 მაისს შედგა. საქორწილო ცერემონიალი უინძორის სასახლის სენტ-ჯორჯის სამლოცველოში გაიმართა.
წყვილს ქორწინებაში ვაჟი სახელად არჩი შეეძინათ. ასევე ცნობილია, რომ ჰარი და მეგანი მეორე შვილს ელოდებიან.
