პრინცი ჰარი და მისი მეუღლე მეგან მარკლი Spotify-ზე თავიანთი პოდკასტების გაშვებას აპირებენ.
სავარაუდოდ, პრინცი ჰარის პოდკასტი ფოკუსირებული იქნება შეიარაღებული ძალების ვეტერანებისთვის საინტერესო საკითხებზე, ხოლო მეგან მარკლი გენდერული თანასწორობის საკითხებს განიხილავს.
ასევე აღინიშნა, რომ წყვილის გამოჩენა საახალწლო ეპიზოდებშია მოსალოდნელი.
წყვილმა ასევე საპროდიუსერო კომპანიის შექმნის შესახებ განაცხადა, რომელსაც საკუთარი შვილის, არჩის სახელი დაარქვეს - Archewell Audio.
სექტემბერში გავრცელდა ინფორმაცია, რომ პრინცმა ჰარიმ და მეგან მარკლმა საპროდიუსერო კომპანია დაარსეს და Netflix-თან გააფორმერ შეთანხმება, რომ დოკუმენტურ, მხატვრულ ფილმებსა და საბავშვო პროგრამებს შექმნიდნენ. ასევე ცნობილი გახდა, რომ წყვილი Netflix-ზე რეალურ შოუში აპირებდა მონაწილეობას. თუმცა, მოგვიანებით, წყვილის წარმომადგენლებმა გავრცელებული ინფორმაცია უარყვეს.
