აშშ-ის პრეზიდენტის ჯო ბაიდენისა და რუსეთის ლიდერის ვლადიმერ პუტინის შეხვედრა, შესაძლოა, ჩეხეთის დედაქალაქ პრაღაში გაიმართოს. გარდა ამისა, შეხვედრის გამართვის ადგილებად ისლანდიას, სლოვენიასა ან აზერბაიჯანსად ასახელებენ. ამის შესახებ აშშ-ის ყოფილმა ოფიციალურმა პირებმა განაცხადეს.
ყოფილი ჩინოვნიკები და ანალიტიკოსები პრაღას, რეიკიავიკს, ლიუბლიანასა და ბაქოს ყველაზე მნიშვნელოვან ვარიანტებად ასახელებენ.
კერძოდ, ისინი აღნიშნავენ, რომ სწორედ რეიკიავიკში მოხდა 1986 წელს აშშ-ის პრეზიდენტის რონალდ რეიგანისა და სსრკ-ს ცენტრალური კომიტეტის გენერალური მდივნის მიხეილ გორბაჩოვის შეხვედრა.
შეგახსენებთ, 13 აპრილს აშშ-ისა და რუსეთის პრეზიდენტებს შორის სატელეფონო საუბარი შედგა. თეთრი სახლის ინფორმაციით, ჯო ბაიდენმა ვლადიმერ პუტინს მესამე ქვეყანაში შეხვედრა შესთავაზა.
