საფრანგეთის პრეზიდენტის, ემანუელ მაკრონისა და რუსეთის პრეზიდენტის, ვლადიმერ პუტინის სატელეფონო საუბრის დროს ორი ქვეყნის ლიდერმა ირანის გუშაგთა კორპუსის ელიტური ქვედანაყოფის „ქუდსის" მეთაურის, ქასემ სულეიმანის ლიკვიდაცია განიხილა. ინფორმაციას ამის შესახებ კრემლი ავრცელებს.
"ორივე მხარემ შეშფოთება გამოხატა", - ნათქვამია კრემლის პრესსამსახურის ინფორმაციაში.
გარდა ამისა, პუტინმა და მაკრონმა ლიბიაში მშვიდობიანი დარეგულირების პროცესზე, სირიასა და იდლიბის საკითხზე რუსეთ-თურქეთის შეთანხმებების შესრულებაზე, უკრაინის გავლით რუსული გაზის ტრანზიტზე და სხვა საკითხებზე ისაუბრეს.
