რუსეთისა და ამერიკის პრეზიდენტებმა სატელეფონო საუბარი გამართეს. მხარეებმა კოსმოსის სფეროში ორ ქვეყანას შორის თანამშრომლობის საკითხი განიხილეს, ამის შესახებ ინფორმაცია კრემლის საიტზეა განთავსებული.
ვლადიმერ პუტინმა და დონალდ ტრამპმა ნავთობის მსოფლიო ბაზარზე არსებული ვითარება და კორონავირუსთან ბრძოლის საკითხი განიხილეს.
„მხარეებმა მოსაზრებები გამოთქვეს ნავთობის გლობალურ ბაზარზე არსებული ვითარების შესახებ, მათ შორის, ОПЕК+ ფარგლებში მიმდინარე შეთანხმებაზე ნავთობის მოპოვების შემცირების კუთხით“, - წერია კრემლის განცხადებაში.
რუსეთის პრეზიდენტის პრესსამსახურში ასევე აღნიშნეს, რომ ვლადიმერ პუტინმა და დონალდ ტრამპმა შეფასება მისცეს რუსეთისა და აშშ-ის ძალისხმევას კორონავირუსის წინააღმდეგ ბრძოლაში.
