ჩეჩნეთის რესპუბლიკის პრეზიდენტმა, რამზან კადიროვმა განაცხადა, რომ, ჯანმრთელობის მდგომარების გამო, იგი დროებით შრომისუუნაროა და რეგიონის ხელმძღვანელის მოვალეობის შემსრულებლად, მთავრობის თავმჯდომარე, მუსლიმ ხუჩიევი დანიშნა.
კადიროვი აცხადებს, რომ მკურნალობის კურსის დასრულების შემდეგ, იგი უფლება-მოვალეობის შესრულებას სრული დატვირთვით დაუბრუნდება. განცხადებას გადადგომის შესახებ კადიროვი 13 იანვრის რიცხვით აწერს ხელს, თუმცა, ამის შესახებ მას შემდეგ გახდა ცნობილი, რაც გუშინ, რუსეთის მთავრობა სრული შეამდგენლობით გადადგა.
ჩეჩნეთის ხელისუფლების წარმომადგენლები აცხადებენ, რომ მსგავსი ნაბიჯი კადიროვს წარსულშიც გადაუდგამს და ეს გავრცელებული პრაქტიკაა რუსეთის რეგიონებში.
მედეა ცხოვრებაძე
ავტორი