Reuters რასობრივი უთანასწორობის, ხოლო The New York Times, COVID-19-ის პანდემიის გაშუქებისთვის პულიცერის პრემიით დააჯილდოვეს.
კერძოდ, Reuters-ის ჟურნალისტებმა მომხდარის ანალიტიკური გაშუქებისას, აქცენტი გააკეთეს იმაზე, თუ როგორ იცავდა იმუნიტეტი პოლიციელებს ძალის გადამეტების შემთხვევაში, სამართლებრივი დევნისგან.
პულიცერის კომიტეტის განმარტებით, ამ მიმართულებით გამოქვეყნებულმა სტატიებმა საბოლოო ჯამში აშშ-ის პოლიციის სისტემაში რეფორმების განხორციელების აუცილებლობასთან დაკავშირებით დებატები წინ წამოწია.
