რეჟისორმა ნილ ბლომკამპმა, რომელიც ცნობილია ფილმებით "მეცხრე რაიონი" და "ჩაპი", კორონავირუსის პანდემიის დროს მისტიკური საშინელებათა ფილმის გადაღება მოახერხა. პროექტზე ის ზაფხულში კანადის პროვინციაში, ბრიტანულ კოლუმბიაში მუშაობდა და მასში ძირითადად ადგილობრივი კანადელი მსახიობები მონაწილეობენ.
ფილმში მომხდარი მოვლენები ჯერ არ გახმაურებულა, თუმცა ცნობილია, რომ სცენარზე თავად ბლომკამპმა იმუშავა, ოპერატორი კი ბაირონ კოპმანი იყო.
გარდა ამისა, ცნობილი გახდა, რომ 2019 წლის ბოლოს, ნილ ბლომკამპმა თრილერის "Inferno" გადაღების შესახებ განაცხადა. მისი წარმოება კორონავირუსის გამო შეფერხდა.
