აშშ-ში, ნეშვილში - ტენესის შტატში, პრეზიდენტობის კანდიდატების დონალდ ტრამპისა და ჯო ბაიდენის ფინალური დებატები გაიმართა.
მანმადე ორივე კანდიდატმა კორონავირუსზე ტესტი ჩააბარა, რომლის პასუხები უარყოფითი იყო. შესაბამისად, ოპონენტებს შორის მინის დამცავი წინაღობები მოხსნეს. დებატების დროს მოდერატორს ორივე კანდიდატისთვის მიკროფონის გამორთვის საშუალება ჰქონდა, რომ მათ ერთმანეთისთვის სიტყვით გამოსვლა ერ შეეწყვეტინებინათ და ხელი არ შეეშალათ, როგორც ეს სექტემბრის დებატებისას მოხდა.
დებატების მთავარი თემა კორონავირუსი, სახელმწიფო უსაფრთხოება, იმიგრაცია, რასიზმი, არჩევნებში ჩარევისა და მასზე ზემოქმედების მცდელობა იყო. მხარეებმა ერთმანეთს ბრალდებებიც წაუყენეს, რომლებიც კორუფციულ სკანდალსა და უცხო ქვეყნიდან ფულის მიღებას ეხებოდა.
პრეზიდენტის არჩევნები აშშ-ში 3 ნოემბერს გაიმართება.
