რუსეთში, პენზის ოლქის რკინიგზის სადგურზე 14 წლის მოზარდი დენის დარტყმით გარდაიცვალა. ამის შესახებ ინფორმაციას რუსული მედია ავრცელებს.
პენზის სატრანსპორტო პროკურატურის განცხადებით, ინციდენტი "პენზა-3-ის" სადგურთან მე-16 ბილიკზე მოხდა. მოზარდი სატვირთო ვაგონზე აძვრა, რა დროსაც მას 27,000 ვოლტის სიმძლავრის დენმა სასიკვდილოდ დაარტყა.
შემთხვევის ადგილას სამართალდამცავები იმყოფებიან. მომხდარის გამოძიება ამ დრომდე მიმდინარეობს.
