ევროკავშირის სახელმწიფოთა და მთავრობის მეთაურებმა პარასკევს გამართულ სამიტზე გერმანიის კანცლერს, ანგელა მერკელს უზარმაზარი ოვაცია მოუწყვეს. 107-ე სამიტი ბოლო 16 წლის მანძილზე მისთვის, სავარაუდოდ, ბოლო იქნება.
ევროპული საბჭოს პრეზიდენტმა შარლ მიშელმა სამიტზე რამდენიმე წუთი კანცლერს დაუთმო, რომელსაც დეკემბერში, სავარაუდოდ, სოციალ-დემოკრატი ოლაფ შოლცი შეცვლის.
"თქვენ მონუმენტი ხართ. აზრად შედარება მომდის. ევროპული საბჭო ანგელას გარეშე იგივეა, რაც რომი ვატიკანის გარეშე ან პარიზი ეიფელის კოშკის გარეშე", - უთხრა მიშელმა გერმანიის მთავრობის მეთაურს.
მისი თქმით, მათ მერკელის სიბრძნე, განსაკუთრებით რთულ დროს დააკლდებათ.
« #EUCO without Angela is like Rome without the Vatican or Paris without the Eiffel tower » - Charles Michel to Angela Merkel, for her last European summit. pic.twitter.com/Qnx4lVGvHs
— Aurélie Pugnet (@PugnetAurelie) October 22, 2021
”ის არის ერთ-ერთი მათგანია, ვინც 16 წლის განმავლობაში მართლაც დატოვა თავისი კვალი ევროპაში და დაეხმარა 27-ვე ქვეყანას სწორი გადაწყვეტილებების მიღებაში, რაც ზოგჯერ რთული იყო, ჰუმანურობის დიდი დოზით”, - განაცხადა ბელგიის პრემიერ-მინისტრმა ალექსანდრ დე კროომ.
ლუქსემბურგის პრემიერ-მინისტრმა ბეტელმა მერკელს "კომპრომისების მანქანა" უწოდა, რომელიც "ჩვეულებრივ აღმოაჩენდა რაღაცას, რაც გვაერთიანებდა" მრავალ შიდაევროპულ მოლაპარაკებებში.
„ევროპას ის დააკლდება“, - თქვა მან.
ლიეტუვის პრეზიდენტმა, გიტანას ნაუსედამ იმედი გამოთქვა, რომ მერკელი, „დიდი პოლიტიკოსი“ პოლიტიკურ ასპარეზზე „ამა თუ იმ ფორმით“ დარჩება.