ბელგია არის ევროკავშირის ქვეყანა, სადაც კორონავირუსით ინფიცირების მაჩვენებელი ყველაზე მაღალია. ამის შესახებ ევროპის დაავადებათა კონტროლისა და პრევენციის ცენტრში (ECDC) განაცხადეს.
უწყების ცნობით, ბელგიაში 100 ათას მოსახლეზე COVID-19-ით ინფიცირების 1 390 შემთხვევა ფიქსირდება. მეორე ადგილზეა ჩეხეთი (1,380), მესამეზე - ლუქსემბურგი (760). ხუთეულშია სლოვენია (732) და ნიდერლანდები (694).
ამასთან, ევროპის დაავადებათა კონტროლისა და პრევენციის ცენტრის მონაცემებით, ჩეხეთში ამჟამად კორონავირუსით სიკვდილიანობის ყველაზე მაღალი მაჩვენებელია - 12,3 შემთხვევა 100 ათას მოსახლეზე. ბელგია აქ მეორე ადგილს იკავებს, 5.8 შემთხვევით.