რომის პაპი ფრანცისკე ჩრდილეთ ერაყში, ქალაქ მოსულში ჩავიდა. სამ წელზე დიდი ხნის განმავლობაში ქალაქ მოსულს ტერორისტული ორგანიზაცია "ისლამური სახელმწიფოს" მებრძოლები აკონტროლებდნენ.
რომის პაპმა მოედანზე შეკრებილ მორწმუნეებს სიტყვით მიმართა. მოგვიანებით პაპი იმ სამლოცველოს ნანგრევებთან ილოცებს, რომელიც 2017 წელს ისლამური სახელმწიფოს წარმომადგენლებმა გაანადგურეს.
ცნობისთვის, რომის პაპი, ისტორიაში პირველად, ერაყელი შიიტების სულიერ ლიდერს, აიათოლა ალი ალ-სისტანს შეხვდა.
BREAKING: Pope Francis has arrived in Mosul on his tour of Iraq, a former stronghold of terror group Islamic State.@Stone_SkyNews has the latest.
— Sky News (@SkyNews) March 7, 2021
Read more: https://t.co/PXo8bx85RH pic.twitter.com/xztnfX0cgJ
რომის პაპი ერაყში სამი დღის წინ ჩავიდა. ახლო აღმოსავლეთში ვიზიტის ფარგლებში ის რელიგიური დიალოგის ხელშეწყობას შეეცდება და ადგილობრივ ქრისტიანებს ქვეყანაში დარჩენისკენ მოუწოდებს.
3-დღიანი ვიზიტის ფარგლებში ფრანცისკე ერაყელი შიიტების ლიდერს, აიათოლა ალი სისტანს შეხვდება, რის შემდეგაც პონტიფიკოსი ქალაქ ერბილის სტადიონზე წირვას აღავლენს.
პაპ ფრანცისკეს ირანის შეიარაღებული ძალების 10 000-მდე წარმომადგენელი იცავს. ის ქუჩაში სპეციალური დიზაინით შექმნილი ბრონირებული ავტომობილით გადაადგილდება.