რომში ღორმა 50 წლის მამაკაცი და 2 წლის ბავშვი დაკბინა. მამაკაცი მიყენებული ჭრილობებისგან ადგილზე გარდაიცვალა. ბავშვი საავადმყოფოშია მოთავსებული. მისი მდგომარეობა კრიტიკულია.
პოლიციის ცნობით, მამაკაცმა, რომლის ვინაობა არ სახელდება, მეგობარი და მისი მცირეწლოვანი შვილი ერთ-ერთ ფერმაში ახალდაბადებული გოჭების სანახავად წაიყვანა.
როდესაც ვიზიტორები ღორებს მიუახლოვდნენ, დაღუპულს ფეხი დაუცურდა და ტალახში წაიქცა. ამ დროს მას ღორი დაესხა თავს და კბენა დაიწყო. ამის შემდეგ კი ბავშვს ეცა.
ფერმა, სადაც ინციდენტი მოხდა, ამჟამად დალუქულია. მიმდინარეობს გამოძიება.
ელენა ტრეხლებოვა
ავტორი