კანადის პრემიერ-მინისტრმა, ჯასტინ ტრიუდომ აღნიშნა, რომ ის უკრაინული თვითმფრინავის ჩამოგდების საქმის ობიექტურ და სამართლიან გამოძიებას ელის.
"დაღუპულთა ოჯახის წევრებს კითხვები აქვთ და ისინი პასუხებს იმსახურებენ," - აცხადებს ტრიუდო Twitter-ზე.
კანადის პრემიერ-მინისტრი საგამოძიებო ჯგუფს შეხვდა და საქმის დეტალებს გაეცნო.
შეგახსენებთ, რომ ცოტა ხნის წინ ირანმა აღიარა უკრაინული თვითმფრინავის "ბოინგ 737-ის" შემთხვევით ჩამოგდება, რომელზეც 176 ადამიანი იმყოფებოდა და ვერც ერთი მათგანის გადარჩენა ვერ მოხერხდა.
დაღუპულია ირანის 82 მოქალაქე, 63 კანადის და 11 უკრაინის. ბორტზე ასევე იმყოფებოდნენ შვედეთის, ავღანეთის, გერმანიის და ბრიტანეთის მოქალაქეები.
