რუსეთის პრეზიდენტმა, ვლადიმერ პუტინმა ხელი მოაწერა კანონს, რომლის მიხედვით უცხო ქვეყნის მოქალაქეები რუსეთის მოქალაქეობის მიღებას არსებულ მოქალაქეობაზე უარის თქმით გარეშე მიიღებენ. შესაბამისი დოკუმენტი უკვე გამოქვეყნდა იურიდიული ინფორმაციის ოფიციალურ პორტალზე.
აქტი სამ თვეში ამოქმედდება.
რუსეთის სახელმწიფო დუმამ მოქალაქეობის გამარტივებული წესით მიღების შესახებ კანონი 17 აპრილს მიიღო.
გარდა ამისა, ის პირები, რომლებიც რუსეთის მოქალაქესთან ქორწინებაში იმყოფებიან, პასპორტის მიღებას არა ქორწინებაში ყოფნიდან სამ წელიწადში, არამედ 1 წელიწადში შეძლებენ.
უქმდება მოთხოვნა სსრკ-ს ყოფილ ქვეყნებში დაბადებული პირებისთვის, რომლებსაც რუსეთის მოქალაქეობის მიღება სურთ. ადრე პასპორტის მისაღებად რუსეთის ტერიტორიაზე სამი წლის განმავლობაში ცხოვრება სავალდებულო იყო. ნორმების შემსუბუქება ეხება იმ უცხოელებსაც, რომელთა ერთი მშობელი მაინც რუსეთის მოქალაქეა.
