რუსეთის კვლევითი ცენტრი "ვექტორი" წლის ბოლოს COVID-19-ის საწინააღმდეგო ვაქცინის EpiVacCorona-ის 50 000 დოზის გამოშვებას გეგმავს. ამის შესახებ ქვეყნის მაკონტროლებელმა ორგანიზაციამ განაცხადა.
"წლის ბოლოსთვის COVID-19-ის საწინააღმდეგო ვაქცინის 50 000 დოზის გამოშვება იგეგმება. ჯერჯერობით, ამ ეტაპზე, მხოლოდ 15 000 დოზაა მზად", - განაცხადეს ორგანიზაციის წევრებმა.
მათ ასევე დასძინეს, რომ მასობრივი ვაქცინაცია EpiVacCorona-ით 2021 წელს იგეგმება და ყველა მსურველს, ვისაც ვაქცინის ჩატარება სურს, ამის შესაძლებლობა მიეცემა.
"ეს შესაძლებელია იმ შემთხვევაში, თუ ვაქცინის წარმოებას მნიშვნელოვნად გავაძლიერებთ. მიმდინარეობს წარმოების ტექნოლოგიის გაფართოების მცდელობა. ვაქცინა ახლა ფაზა III-ის რეგისტრაციის შემდგომ კლინიკურ კვლევებს გადის", - ნათქვამია ორგანოში.
ცნობილია, რომ 13 ოქტომბერს პეპტიდებზე დაფუძნებულ, COVID-19-ის საწინააღმდეგო ვაქცინა EpiVacCorona რუსეთის მეორე რეგისტრირებული ვაქცინა გახდა. აგვისტოში Sputnik V ვაქცინა, რომელიც რუსეთის გამალეიას კვლევითი ინსტიტუტის მიერ ადამიანის ადენოვირუსის ბაზაზე შეიქმნა, მსოფლიოში კორონავირუსის საწინააღმდეგო პირველი ვაქცინა გახდა. პირველი 16,000 მოხალისის მონაცემებზე დაყრდნობით, Sputnik V-მა 92 %-იანი ეფექტურობა აჩვენა.
თეკო გიორგაძე
ავტორი