რუსეთის სახელმწიფო დუმის დელეგაცია ირანში ვიზიტს ორშაბათს გამართავს. საკანონმდებლო დელეგიაცია რუსეთ-ირანის საპარლამენტო თანამშრომლობის კომიტეტის მეორე სხდომას დაესწრება.
დელეგაციას რუსეთის ფედერაციის სახელმწიფო დუმის თავმჯდომარე, ვიაჩესლავ ვოლოდინი უხელმძღვანელებს.
ვოლდინი ირანის პარლამენტის სპიკერ, ალი ლარჯინთან შეხვედრას გეგმავს.
რუსეთ-ირანის საპარლამენტო თანამშრომლობის პირველი შეხვედრა 2018 წლის სექტემბერში, რუსეთში, ქალაქ ვოლგოგრადში გაიმართა. ირანისა და რუსეთის პარლამენტის ხელმძღვანელების ინიციატივით, შეიქმნა კომიტეტი, რომელიც ხელს შეუწყობს თეირანსა და მოსკოვს შორის საპარლამენტო ურთიერთობებს.
2019 წლის ივნისში, ირანის დელეგაცია, რომელიც პარლამენტის ეროვნული უსაფრთხოების და საგარეო პოლიტიკის კომიტეტის წევრებისა და ირან-რუსეთის საპარლამენტო მეგობრობის ჯგუფისაგან შედგებოდა, რუსეთს ეწვია, რათა მონაწილეობა მიეღო პარლამენტარიზმის განვითარების მეორე საერთაშორისო ფორუმში.
