რუსეთის კონსტიტუციაში შეტანილი ცვლილებები დღეიდან ძალაში შევიდა. შესწორებები ძირითადად ქვეყნის ძირითადი კანონის 22 მუხლს ეხება.
ცვლილებების საშუალებას აძლევს ვლადიმერ პუტინს, რომ მომდევნო ორ საპრეზიდენტო არჩევნებში მონაწილეობა მიიღოს. ამას გარდა, საკონსტიტუციო ცვლილებები ითვალისწინებს ხელისუფლების შტოებს შორის უფლებამოსილების ახალი წესით გადანაწილებას, რაც პრეზიდენტის უფლებებს გაზრდის.
ინოვაციების ძალაში შესვლა მცირე სკანდალით აღინიშნა. კონსტიტუციის ახალი რედაქციის ტექსტით გამოქვეყნებული დოკუმენტი გამოქვეყნდა იურიდიული ინფორმაციის ოფიციალურ ინტერნეტ პორტალზე სათაურით "რუსეთის ფედერაციის პრეზიდენტის კონსტიტუცია". გარკვეული პერიოდის შემდეგ, ამ მას სათაური გადაარქვეს, თუმცა ორიგინალი სახელის ნახვა არქივის ბაზაში არის შესაძლებელი.
ცვლილებების კენჭისყრა 25 ივნისიდან 1 ივლისის ჩათვლით გაიმართა. რუსეთის ცენტრალური საარჩევნო კომისიის მონაცემებით, ამომრჩეველთა 77,92 პროცენტმა კანონში ცვლილებებს მხარი დაუჭირა, ხოლო 21,27 პროცენტი წინააღმდეგი იყო. აქტივობა 67,97 პროცენტი დაფიქსირდა.
