Facebook-მა გადაიხადა 17 მილიონი რუბლი ჯარიმა იმის გამო, რომ მოსკოვის მიერ უკანონოდ მიჩნეული გვერდები და ინფორმაცია არ წაშალა. თუმცა ის უფრო დიდი ჯარიმის საფრთხის წინაშეა. სააგენტო ინტერფაქსის ცნობით, Meta, Google-სთან ერთად მომავალ კვირას სასამართლოში წარდგება კონტენტის შესახებ რუსული კანონმდებლობის განმეორებითი დარღვევის გამო, რის გამოც მედიაგიგანტები შეიძლება დაჯარიმდნენ რუსეთიდან წლიური შემოსავლის ნაწილით.
მოსკოვმა რამდენიმე თვეა გაზარდა ზეწოლა მსხვილ ტექნიკურ კომპანიებზე. გასულ თვეში Telegram-მა ასევე 15 მილიონი რუბლის ოდენობით ჯარიმა გადაიხადა.
