რუსეთში, კრასნოიარსკის მხარეში საცხოვრებელ ბინაში გაჩენილი ხანძრის შედეგად 4 არასრულწლოვანი დაიღუპა და ორი ადამიანი დაშავდა. ცნობილია, რომ დაშავებულებს შორის არიან 12 წლის ბავშვი და მისი ბებია. ამის შესახებ ინფორმაციას ადგილობრივი საგანგებო სიტუაციების სამსახური ავრცელებს.
მეხანძრეების თქმით, ხანძარი ორსართულიან საცხოვრებელ კორპუსში გაჩნდა. ამჟამად ხანძარი ლოკალიზებულია. შემთხვევის ადგილზე 37 მეხანძრე-მაშველი მუშაობდა.
ხანძრის გამომწვევი მიზეზი ჯერჯერობით უცნობია.
