რუსეთში, ნიჟნი ნოვგოროდში ჟურნალისტმა თავი დაიწვა, ის ადგილზე გარდაიცვალა. ინფორმაციას „ტვიტერის“ გვერდზე ნიჟნი ნოვგოროდში ალექსეი ნავალნის შტაბი იუწყება.
ფაქტი შინაგან საქმეთა სამინისტროს ქალაქის სამმართველოსთან მოხდა. გარდაცვლილი ადგილობრივი გამოცემის Koza Press-ის მთავარი რედაქტორი ირინა სლავინაა.
მედიაში გავრცელებული ინფორმაციით, გუშინ მასთან ერთ-ერთი სისხლის სამართლის საქმის ფარგლებში ჩხრეკა ჩატარდა.
წინა დღით მან facebook-ში ასეთი პოსტი დაწერა: „ჩემ სიკვდილში გთხოვთ დაადანაშაულოთ რუსეთის ფედერაცია“.
