რუსული ვაქცინის გამოცდა 60 წელს გადაცილებულ მოხალისეებზე დაიწყო "სპუტნიკ V-ის" გამოცდა 60 წელს გადაცილებულ მოხალისეებზე დაიწყო. ამის შესახებ რუსეთის ჯანდაცვის მინისტრმა, მიხაილ მურაშკომ განაცხადა.
მისი თქმით ამ კატეგორიის პაციენტებისთვის ვაქცინაციის საკუთარი პარამეტრების შემუშავება ძალიან მნიშვნელოვანია.
შეგახსენებთ, რუსეთმა მსოფლიოში პირველმა დაარეგისტრირა კორონავირუსის საწინააღმდეგო ვაქცინა, თუმცა დასავლელი სპეციალისტები მას სკეპტიკურად უყურებენ. ისინი აცხადებენ, რომ გამალეის ინსტიტუტში შექმნილ “სპუტნიკ V-ს" არ გაუვლია კვლევის ყველა ეტაპი და მისი უსაფრთხოება და ეფექტიანობა დასაბუთებული არ არის.
