რამდენიმე ნამუშევარზე საავტორო უფლებების დასაბრუნებლად, ბრიტანელ ქუჩის მხატვარ ბენქსის ვინაობის გამჟღავნება მოუწევს. ინფორმაციას ამის შესახებ გამოცემა Telegraph ავრცელებს.
მისი ცნობით, ინტელექტუალური საკუთრების ევროპულმა ბიურომ (EUIPO) გამოიტანა განაჩენი და მას სავაჭრო ნიშანი კიდევ ორ ნამუშევარზე Bomb Hugger ("ბომბის ჩახუტება") и Love Rat ("შეყვარებული ვირთხა") ჩამოართვა.
ამრიგად, ბოლო 10 თვის მანძილზე ბენქსიმ ექვს ნამუშევარზე საავტორო უფლებები დაკარგა.
გრაფიტის მხატვარი ბენქსი, რომლის მთავარი თემატიკა სოციალური უთანასწორობა და ხელისუფალთა ფარისევლობაა, ამ დრომდე საიდუმლოდ ინახავს საკუთარ ვინაობას. მისი ძალიან ახლო თანაშემწეების გარდა, არავინ იცის, როგორ გამოიყურება ის და რა ჰქვია სინამდვილეში. მისი ნამუშევრების ფასი აუქციონზე მილიონობით დოლარადაა შეფასებული.
