ათონის ვიცე-გუბერნატორის გადაწყვეტილებით წმინდა მთაზე მომლოცველები 11 მაისიდან გარკვეული რეგულაციების დაცვით დაიშვებიან. მონასტრებში მხოლოდ 10 მორწმუნეს, კელიებში კი თითო-თითოს შესვლა იქნება შესაძლებელი. ერთი მონასტრიდან მეორეში გადასვლა მკაცრად აკრძალულია. .
ყველა მონაზონმა, სახელმწიფო მოღვაწემ, თუ მონასტრის თანამშრომელმა წმინდა მთის ტერიტორიაზე შესვლამდე კორონავირუსზე ტესტი უნდა ჩაიტაროს. დადებითი პასუხის შემთხვევაში ისინი ათონის მთაზე არ დაიშვებიან.
ათონის წმინდა მთა - ნახევარკუნძული აღმოსავლეთ საბერძნეთში, საბერძნეთის სახელმწიფოს თვითმმართველი ადმინისტრაციული ერთეულია. ის მართლმადიდებელი სამყაროს მორწმუნეთათვის და პილიგრიმებისთვის ერთ-ერთი უმნიშვნელოვანეს ადგილად ითვლება.
მონასტრებში ვიზიტის აკრძალვის შესახებ გადაწყვეტილებებს და პანდემიასთან დაკავშირებით პრევენციულ ზომებს ათონის გუბერნატორი წმინდა საზოგადოებისთვის წინასწარი შეთანხმების საფუძველზე განსაზღვრავს.