ცივი ატმოსფერული ფრონტის, "მედეას" შედეგად საბერძნეთის ჩრდილოეთ და ცენტრალურ რეგიონებში ძლიერი თოვლი და ქარია. ინფორმაციას ამის შესახებ dpa ავრცელებს.
მისი ცნობით, თოვლით მცირე ხნით ათენის აკროპოლისიც კი დაიფარა, თუმცა დიდხანს არ შენარჩუნდა, რადგან ტემპერატურა აქ დაახლოებით 0 გრადუსი ცელსიუსია.
ამასთან, ქვეყნის ჩრდილოეთ ნაწილში უამინდობის გამო, სადაც ამინდი მინუს 15-მდე დაეცა, საბორნე მიმოსვლა შეწყდა. მოსახლეობის ნაწილი ელექტროენერგიის გარეშე დარჩა. ცენტრალურ ავტომაგისტრალზე ლიპყინული იყო.
მეტეოროლოგების ინფორმაციით, საბერძნეთში ცივი ამინდის პიკი ხვალ, 16 თებერვალს დაფიქსირდება.
WINTER WONDERLAND: Snow covered Athens, Greece as a cold front hit the country. The cold front, known as Madea, is expected to bring heavy snowfall to central, southern and eastern Greece as well as the island of Crete. pic.twitter.com/LL5p5uWgwb
— CBS News (@CBSNews) February 15, 2021