საბერძნეთის პოლიციამ საკარანტინო შეზღუდვების წინააღმდეგ მიმართულ აქციაზე შეკრებილი მომიტინგეები ცრემლსადენი გაზის გამოყენებით დაშალა. ამის შესახებ ბერძნული საინფორმაციო პორტალი Newsit.gr იუწყება.
გამოცემის ცნობით, ათენში, სინტაგმის ცენტრალურ მოედანზე 700-მდე ადამიანი შეიკრიბა. მომიტინგეების მცირე ჯგუფმა პარლამენტის შენობასთან მიახლოება სცადა, მაგრამ პოლიციამ მათ ამის საშუალება არ მისცა.
მას შემდეგ, რაც სამართალდამცავებმა დემონსტრანტების წინააღმდეგ ცრემლსადენი გაზი გამოიყენეს, ერთი ქალი ცუდად გახდა და სასწრაფო დახმარების მანქანით საავადმყოფოში გადაიყვანეს.
