საბერძნეთის პრემიერ მინისტრის, კირიაკო მიცოტაკისის ბრძანებით, კორონავირუსის გავრცელების საწინააღმდეგო ღონისძიებების ფარგლებში, ქვეყნის ყველა საზღვაო და სათხილამურო კურორტი დაიკეტება.
”ხვალიდან ყველა ორგანიზებული პლაჟი და სათხილამურო კურორტი დაიხურება. სიტუაცია სერიოზულია და ყველანი პასუხისმგებლობით უნდა მოვეკიდოთ”, - წერს მიცოტაკისი Twitter-ის ოფიციალურ გვერდზე.
მიცოტაკისმა მოქალაქეებს საზოგადოებრივ ადგილებში თავშეყრისაგან თავშეკავება ურჩია და სახლში დარჩენისაკენ მოუწოდა.
საბერძნეთში კორონავირუსით ინფიცირების 228 შემთხვევა დადასტურდა, ხოლო დაავადებას 3 ადამიანი ემსხვერპლა. ინფექციისგან განიკურნა 8 ადამიანი, ხოლო 217 ამ დრომდე მკურნალობას გადის.
