საბერძნეთის ტრანსპორტის თანამშრომლებმა გაფიცვა გამოაცხადეს. ისინი შრომითი კანონმდებლობის რეფორმებს აპროტესტებენ. ინფორმაციას Skai ავრცელებს.
24-საათიანი გაფიცვა ქვეყნის უმსხვილესმა პროფკავშირებმა, GSEE და ADEDY გამოაცხადა.
ADEDY-ში ამბობენ, რომ კანონპროექტი 50-საათიან სამუშაო კვირას აკანონებს და 8-საათიან სამუშაო დღეს აუქმებს.
გაჩერდება რკინიგზა, მეტრო, ტრამვაი და ტროლეიბუსები. ავტობუსები 9-დან 21 საათამდე არ იმუშავებს. გაჩერდება გემები. საჰაერო ტრანსპორტის 4-საათიანი გაჩერების გამო ფრენების განრიგი იცვლება.
გაფიცვას განათლების, სასამართლოსა და ტურიზმის სფეროში დასაქმებულები უერთდებიან. ათენში საპროტესტო აქციები გაიმართება.
