ჯანდაცვის მსოფლიო ორგანიზაციის გენერალურმა დირექტორი აცხადებს, რომ საერთაშორისო თანამეგობრობამ ვაქცინების წარმოება უნდა გაზარდოს.
„დროა, ყველა ინსტრუმენტი გამოვიყენოთ, რათა გავზარდოთ წარმოება, ლიცენზიებისა და ტექნოლოგიების გადაცემის ჩათვლით. თუ ახლა არა, მაშ როდის?“ - აღნიშნა ტედროს ადჰანომ გებრეიესუსმა.
მისივე თქმით, მსოფლიომ დიდ პროგრესს მიაღწია, თუმცა ეს პროგრესი მყიფეა.
„ჩვენ უნდა დავაჩქაროთ COVID-19-ის ვაქცინების მომარაგება და გავრცელება, მაგრამ ამას ვერ გავაკეთებთ, თუ ზოგიერთი ქვეყანა უშუალოდ იმ მწარმოებლებს მიმართავს, რომლებზეც COVAX-ს პლატფორმაა დამოკიდებული“, - განაცხადა ტედროს ადჰანომ გებრეიესუსმა.