საფრაგეთში, პარიზის გარეუბანში, სანა-სენ-დენიში ხანძარი გაჩნდა. ცეცხლი პირბადეების საწარმოს გვერდით საწყობს წაეკიდა.
საწარმო, რომელიც ჩინელ ბიზნესმენ სიუ შენ ვანს ეკუთვნის, რეკორდულად მოკლე დროში ააშენეს და გასულ კვირას გაიხსნა. პირველი პროდუქცია დღეს დილით გამოუშვეს.
ამ ეტაპზე საწარმო 24 საათში 500 ათას ნიღაბს უშვებს, შემდგომში კი წარმოების მოცულობა დღე-ღამეში მილიონამდე ავა.
მეხანძრეებმა ცეცხლი ლოკალიზება ერთ საათში შეძლეს. ადგილზე თავად ბიზნესმენიც მივიდა. გავრცელებული ინფორმაციით, საწარმო არ დაზიანებულა.
საფრანგეთში საზოგადოებრივ ტრანსპორტში ნიღბის ტარება აუცილებელია. ამ ნორმის დაუცველობა ჯარიმას ექვემდებარება.
მედეა ცხოვრებაძე
ავტორი