ფრანგების პასუხისმგებლიანობა და სამოქალაქო თვითშეგნება იზოლაციის რეჟიმის მეორე ფაზის შემსუბუქების საწინდარი უნდა გახდეს, რომელიც 2 ივნისიდან დაიწყება, - ამის შესახებ ქვეყნის შინაგან საქმეთა მინისტრმა, კრისტოფ კასტანერმა განაცხადა.
"ჩვენ COVID-19-თან ბრძოლა არც საფრანგეთში, არც მსოფლიოში მოგვიგია. ამიტომ აუცილებელია COVID-თან ბრძოლის გაგრძელება და ზომების მიღება, რომელიც მიღებულია საყვარელი ადამიანების დასაცავად", - განაცხადა მინისტრმა.
კასტანერის თქმით, მიუხედავად იმისა, რომ "100 კილომეტრის წესი" 2 ივნისიდან აღარ იმოქმედებს, ის ამ უქმეებზე ჯერ კიდევ ძალაში რჩება.
"იქნება შემოწმებები, რომელთა მიზანი ფრანგების პროტოკოლებით დასჯა კი არ არის, არამედ მათი დაცვა", - აღნიშნა მინისტრმა.