საფრანგეთის პრემიერ-მინისტრს, ჟან კასტექსს კორონავირუსი დაუდასტურდა. ინფორმაციას Agence France-Presse ავრცელებს.
"მისი სამუშაო გრაფიკი უახლოეს დღეებში შეიცვლება, რათა მან მუშაობა თვითიზოლაციაში ყოფნისას შეძლოს“, - განაცხადა სააგენტოს წყარომ.
სააგენტოს ცნობით, მანამდე კორონავირუსი კასტექსის ორი ქალიშვილიდან ერთ-ერთს დაუდასტურდა. ამის გამო ის გუშინ თვითიზოლაციაში გადავიდა.
ორშაბათს დილით საფრანგეთის პრემიერ-მინისტრი ბრიუსელში იმყოფებოდა, სადაც ბელგიელ კოლეგას, ალექსანდრ დე კროოს შეხვდა. კროო მასთან კონტაქტის გამო თვითიზოლაციაში გადავიდა.
საფრანგეთის პრემიერ-მინისტრი AstraZeneca-ს ვაქცინის ორი დოზით არის აცრილი. მეორე დოზა მან 2021 წლის 19 ივნისს მიიღო.
