საფრანგეთმა კორონავირუსის მესამე ტალღა გადალახა და მომავალ კვირაში კარანტინის შემსუბუქებისთვის ემზადება, - ამის შესახებ ქვეყნის პრემიერ-მინისტრმა, ჟან კასტექსმა განაცხადა.
"როგორც ჩანს, მესამე ტალღის პიკი უკვე უკანაა და ეპიდემიოლოგიური წნეხი შემცირდა. თუმცა, მაინც ყურადღებით უნდა ვიყოთ", - განაცხადა საფრანგეთის პრემიერმა.
მისი თქმით, ერთ-ერთ მწვავე გამოწვევად ჯერ კიდევ კორონავირუსის ბრიტანული ვარიანტი რჩება, რომელიც უფრო გადამდებია.
კასტექსის თქმით, 3 მაისიდან ქვეყანაში მოქალაქეების გადაადგილებაზე რიგი შეზღუდვები გაუქმდება. მომავალი თვის შუა რიცხვებიდან კი რამდენიმე სავაჭრო საწარმო, კვების ობიექტების ტერასები გაიხსნება, ნაწილობრივ აღდგება ქვეყნის კულტურის და სპორტის სფერო.
პრემიერმა აღნიშნა, რომ დღეისათვის COVID-ვაქცინის პირველი დოზა საფრანგეთში უკვე 14 მილიონმა ადამიანმა მიიღო, რაც ზრდასრული მოსახლეობის ერთი მეოთხედია.
Worldometres-ის ცნობით, პანდემიის პერიოდში საფრანგეთში კორონავირუსის 5,408,606 შემთხვევა გამოვლინდა, 102,164 ადამიანი გამოჯანმრთელდა, 4,242,893 გამოჯანმრთელდა. ქვეყანაში ინფიცირების 1,063,549 შემთხვევაა.
Le pic de la troisième vague semble derrière nous et la baisse de la pression épidémique est engagée.
— Jean Castex (@JeanCASTEX) April 22, 2021
Pour autant, nous devons rester très vigilants.
Nous faisons face à une souche le variant dit britannique qui est plus contagieuse, et donc plus difficile à combattre. pic.twitter.com/opFeuQspJe
