საფრანგეთში გასული დღე-ღამის განმავლობაში კორონავირუსს 330 ადამიანის სიცოცხლე ემსხვერპლა. ბოლო მონაცემებით გარდაცვლილთა რაოდენობა 25 531-ს აღწევს.
ინფიცირებულთა რაოდენობა 170 ათასს აჭარბებს. ამის შესახებ ქვეყნის ჯანდაცვის სამინისტროს გენერალური დირექციის ხელმძღვანელმა, ჟერომ სალომონმა განაცხადა.
საავადმყოფოში მკურნალობს 24,775 ადამიანი, მათ შორის 3430 პაციენტი ინტენსიური თერაპიის განყოფილებაშია მოთავსებული. გამოჯანმრთელდა 51 ათასზე მეტი ადამიანი.
